صحبة عراقية
عزيزي الزائر الكريم..زيارتك أسعدتناكثيراً..ولكن لن تكتمل سعادتنا الا بانضمامك لاسرتنا..لذا نرجوا منك تشريفنابالتسجيل..
((نتائج القبول المركزي للجامعات والمعاهد العراقيه2010_2011((حصريا))



suhba_3ra8ea
 
الرئيسيةالبوابةاليوميةبحـثالأعضاءالتسجيلدخول

شاطر | 
 

 قصيدة عتب عراقيه للدول العربيه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الملاك المحبوب
عضو مشارك
عضو مشارك
avatar

186
نقاط : 348
تاريخ التسجيل : 17/09/2010
العمر : 26
الموقع : صحبة عراقية

مُساهمةموضوع: قصيدة عتب عراقيه للدول العربيه   الأربعاء سبتمبر 22 2010, 00:13

السلام عليكم شباب اليوم جبتلكم قصيدة حلوة وحزينة عن الغربة لان اني للئسف متغرب اعوفكم وية القصيدة

بعد ما ريد فيزه ولا لجوء انسان

.............. عمت عين الاقامه الدنست صيتي

واشكر كل صديق وكل خوي وكل جار

.............. قفل بابه ورفض يقبل عراقيتي

خلف الله عليكم والوكت دولاب

.............. لا بد يوم ينزل بيكم ارضيتي

لان اول امس كل البشر خدام

.............. جانوا للعراق واكلوا ابيتي

جان الضيف عندي مكرم ومهيوب

.............. فوگ الراس اشيله وهاي تربيتي

ما داعي اسولف وانه ابو النهرين

.............. ياهو الما سمع اخبار حنيتي

بعد بصمات اديهم والطبع موجود

.............. من جانوا جياع بوسط صينيتي

يا دنيه حرام ومنكر ومكروه

.............. اذا ابن العراق اليوم وطيتي

معقوله نسيتي اسم العراق بساع

.............. لو مثل البشر همّن تناسيتي

ميفيد الحچي ولا تنفع الچلمات

.............. راجع يا وطن لترابك الزيتي

راجع يا حبيبة گلبي يا بغداد

.............. وادرى بكثر ما ونيت ونيتي

وادري لوحّدج عفناج صار سنين

.............. وادرى من الحزن تابوت سويتي

جيب الاغتراب وحطه بالتابوت

.............. يا غربه العراق شكثر اذيتي

ما اعيش ابّحر مالح طعم يا ناس

.............. انه بسجن الفرات وفقط حريتي

وترابي ذهب والگاع من ياقوت

.............. ومن ثوب الكرامه البسهه بيريتي

واذا گالوا لترجع والوضع مو زين

.............. اگول اني الوضع والزين تاليتي

وميهمني بعد ليصير خلي يصير

.............. طعم الموت اشرف من هجر بيتي

أموت بوسط خوتي ويا حلاة الموت

.............. من اجمع اهلنه واكتب وصيتي

وصيتي لو متت لتچفنوني چفان

.............. لفوني بعلمنه وهاي امنيتي

واذا تردون اليه بهالگبر ارتاح

.............. امانة الله دفنوا وياي جنسيتي



حبي لكم[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
البغداديه
عضو جديد
عضو  جديد
avatar

17
نقاط : 214
تاريخ التسجيل : 28/08/2010

مُساهمةموضوع: رد   الأربعاء سبتمبر 22 2010, 00:39


يسلمو الملاك المحبوب القصيده روووووعه عاشت ايدك
تحياتي البغداديه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصيدة عتب عراقيه للدول العربيه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
صحبة عراقية :: الشعر والقصائد-
انتقل الى: